Bu gün - may ayının 14-də Dünya Azərbaycanlıları Mərkəzi "Qızıl buta" Milli Mükafatının təqdimetmə mərasimini keçirib. Mərasimdə millət vəkilləri Əhəd Əhmədov, Cavanşir Paşazadə, Gülər Əhmədova, ictimai firma və şirkət nümayəndələri "Qızıl buta" Milli Mükafatına layiq görülüblər. Mükafat alanlar sırasında “Akkord” Şirkətlər Qrupunun prezidenti İlqar Hacıyev də var. İ.Hacıyevin adından mükafatı “Akkord İnşaat-Sənaye” ASC-nin İdarə Heyətinin sədri Neylan Uyar qəbul edib. Tədbirdə ölkənin ictimai-siyasi həyatında xidmətləri olan şəxslər də mükafatlandırılıb. Türkiyənin Azərbaycandakı Fövqəladə və Səlahiyyətli səfiri Hulusi Kılıc da mükafat alanlar sırasındadır.